 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Ździčeły na kinutym chutary sad
Zabryŭ pa kaleni ŭ voziera,
Šukaŭ paratunku.
Staraja pachilenaja jabłynia
Nie paśpieła dabiehčy da vady,
Trapiła pad nož stalovaj pačvary.
Krušniu patruščanaj cehły
Abłizvajuć šurpatyja chvałi.
Zaarałi stary kałodziež.
I tolki vysačeznaja dziedava tapola
Zastałasia stajać na zburanym pasadzie,
Samotna ahladajučysia navokał.
I kałi śpiłavałi jaje,
Doŭha nie chacieła padać.
A padajučy,
Adčajna ŭzmachnuła
Niepasłuchmianaj kronaj,
I – spyniłisia chvałi
Ad raptoŭnaha vietru,
I pa ŭsioj Biełarusi
Adhuknułisia hai dy puščy.
I viecier maćnieŭ,
I tady pa ŭsim śviecie
Na zachad i ŭschod
Paŭstałi na jahonym šlachu
Vyščarblenyja soniečnymi dzidami
Šklanyja chmaračosy,
Haračyja kaminy zavodaŭ,
Vostryja piki televiežaŭ,
Tryvožna zahułi
Łinii vysokaha napružańnia.
Štonočy
Viartajecca znoŭku
Da majho vakna
Paranieny viecier,
A ja,
Što taksama
Vyras pad dziedavaj tapolaj,
Nia viedaju,
Jak ablehčyć jaho pakuty,
Jak zahaić apioki...
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
